الحياة ماهى الا رحلة تستمتع بها وتتعثر فى مخاطرها وتتعلم منها
تبدأ الرحلة دى من يوم الولاده وتستمر لحد يوم الوفاة
وكل واحد ورحلته ليها ميعاد مختلف عن التانى
فى ناس رحلتهم بتنتهى بدرى وفى ناس رحلتهم بتنتهى فجأه وفى ناس رحلتهم بتنتهى بمعاناة وفى ناس يقولو مش عاوزين رحلتنا تنتهى وفى ناس تقول امتا الرحله دى تنتهى ونخلص
على العموم اياً كانت النهاية ...هى فى الاخر اسمها رحلة !
وكلمة رحلة معناها سفر بصحبة ناس
لان مفيش رحلة من غير صحبة يإما مكنش هيبقا اسمها رحلة ...
الصحبة فى الرحلة دى نوعين
صحبة اختياريه وصحبة اجباريه ..
الصحبة الاجباريه هى الاهل الاب والام والاخوات
محدش فينا اتولد واختار اهله
وكمان الصحبة دى مؤقته ...تنتهى بانتهاء رحلة الاهل معك وإعلان استقلاليتك سواء بسفرك للخارج او زواجك
هى لا تنتهى نهائيا ولكن بتكونش هى الصحبة المؤثرة عليك فى الفترة القادمة بالدرجة الاولى
الصحبة الاجباريه ضروريه لاننا بنكون لسه عضمنا طرى مش بنعرف نعتمد على نفسنا وكمان محتاجين اللى يعلمنا واللى يقف جمبنا فى مصاعب الرحله ومخاطرها خاصة فى البدايه
ففى بداية اى رحله بنكون محتاجين حد يكون معنا عشان نقلل خوفنا من المجهول وخاصه انها رحلة فعلا مجهوله الاحداث
بنكون محتاجين صحبة مثابرة وخايفه على بعضها ومهما حصلت ظروف ومشاكل واختلافات بينها وبين بعض عمرها ما بتفترق
ولو حصل فراق فى احد عناصرها بتنجرح ...اه صحيح الجرح بيلم ولكن مش بيطيب ..لانه مالوش عوض..
غير الصحبة الاختياريه بيبفا فى دايما حدود وقدرة معينه للاحتمال ولو حصل فراق الزمن بينسينا وبنلاقى صحبة غيرها تعوضها..
هناك تعليقان (2):
غريب شوية تقسيم الصحبة الاجبارية والاختيارية لكنة منطقى بس اختلف معك فى نقطة الشخص الاختيارى هذا.
بعض الاشخاص الاخيارين بتكون الظروف اما اقوى ان نقوم فعلا باخيارة او على النقيض تكون اقسي من ان تسمح لنا بالتخلص منه وفى كلا الحالتين تكون اجبارية.
على كل حال ليس من السهل ان يختار اكثر من مرة فمن تجاربي ان الاختيار الاول نظن انه الافضل مطلقا ونرفض تماما البدائل عنه والثانى قد يكون الامر اقل حدة عن الاول لكنه يظل اختيار ثانى مفعم بخبرة اولى وناضج الى حد ما واذا انتهى تجد نفسك ممتلىء بخبرة اختيارين لتكون فى درجة عالية من المثالية والــ ( غباء )لتبحث عن ثالث يتخطى عندك الاختبارت التى تضعها نتيجة خبرتيك السابقتين ( وتعالى قابلنى لو لقيته) لذا هناك نصيحة انصح بها نفسي دائما
عليك ان تتوقف عن تذكر الماضى وتنصاع لاقدار مستقبلك
taichi3
بجد سعدت كثيرا بتعليقك
فعلا نصيحتك لنفسك هى نفس النصيحه التى اتبعها وهى عدم التفكير فى الماضى بسلبياته وبدلا من ذلك التفكير فى الحاضر والمستقبل
وبالنسبه لاستغرابك من الصحبة الاختياريه والاجباريه ..فربما تتضح لك الامور عندما تتابع الاجزاء الاخرى من رحله الحياة
إرسال تعليق