استكمل معاكم الجزء التانى من رحلة الحياه ...
هنا هتكلم عن الصحبة الاجبارية وبإذن الله.. هتكلم عن الصحبة الاختيارية فى الجزء التالت ..
الصحبة الاجبارية
بالنسبة للانسان الغير مستقل هم بابا او ماما او الاخوات ..
وبالنسبة للانسان المستقل هم الزوج او الزوجة او الاولاد ..
كل صحبة من دول اياً كانت...تعتبر مؤقته لحين حدوث طارئ جديد وهو الفراق ...سواء.. وفاة.. سفر او زواج...او طلاق! او قطع رحم!!
ولكن يبقا رغم الفراق بتعدد صوره ...أواصر الصحبة والدعاء بظهر الغيب..وتتبقى الذكرى!
فتلك الذكرى غير اى ذكرى اخرى ..فهى ذات طعم خاص.. يتسبب فراق اهلها جروحا وإن اندملت فانها لا تطيب..مع مر الزمان ..ويبقى اثرها كما هو ذكرى تطوف بالوجدان بين الحين والاخر ..
لان الصحبة دى الروابط اللى بتربط بين عناصرها هى روابط الرحم ..فكل عنصر من عناصرها متولد من الاخر..ودم واحد يجرى فى عروقهم مع اختلاف فصائله ...ومصادره!!
الصحبة دى مينفعش تضحى بيها ..الا فى حالة واحدة فقط ..
وهى وقت الجهاد ..والاستشهاد فى سبيل الله..
وقتها ممكن تضحى بيها وتسيبها...من اجل الله فقط ..ووقتها هتكون تضحية محمودة وطيبة يفرح بها الله ويرضاها..و تفخر بك تلك الصحبة و تدعو لك..
لكن لو ضحيت بيها من اجل اى حاجه تانيه ..معناها هيختلف ..وطعمها هيكون مر ...وهتكون مذمومه ومصحوبة بسخط وغضب وحـزن..ولا اعتقد ان ربنا هيكون راضى عنها ...
فى قصه قريتها زمان ...
بتقول..
ان راجل كان فى مركب فى وسط البحر ومعاه زوجته وابنه وامه ...
فجأه هبت عاصفه والمركب غرق..
مكنش حد منهم يعرف يعوم غير الراجل ..
فبقا قدامه تلاته لازم ينقذهم ...والتلاته اغلى من بعض...
ولكنه ما يقدرش ينقذ غير واحد بس منهم
فاختار امه وانقذها ...
فسألوه الناس اشمعنا اخترت امك و تركت ابنك وزوجتك ..
فكان رده عليهم ..
الزوجه ان راحت فممكن اعوضها ..
والابن لو راح ..ربنا هيرزقنى غيره..
لكن امى لو راحت ...منين هجيب أم تانيه ..؟؟؟؟!!
......
فى احيان كتير ..الصحبة الاجباريه دى مش بتبقا عجبانا..او بتكون مش بتتقى ربنا فينا ..ولكن لا مفر منها..فمحدش فينا اختار اهله..لانك لو تركتها مش هتلاقى غيرها...يإما وقتها هتضطر تعيش وحيدا ..ويعوضك عنها تعويض جُزيئ ..الصحبة الاختياريه..
او تبحث عن صحبة اجباريه جديده ..ولكن عناصرها مختلفه..وهى الزوج ..
والصحبة الجديده دى فيها ميزتين..
الميزة الاولى انها تكون فى الاول اختيارية فى مرحلة التعارف والخطوبة ..فالتالى انت بتختار الصحبة اللى تناسبك وتستريح ليها..
والميزة التانيه انها بعد فترة وجيزة بتكون هى صحبتك الاجباريه ..
عشان كده لازم تختارها صح
لان دى الصحبة الاجباريه الوحيده اللى هيكون عندك فرصه انك تختارها بنفسك ..عشان تعيش معها طول عمرك وتشاركك حلوك ومُرك..وتربيه الابناء ..وتحقيق رسالتك ..وطموحك..وتسهر لمرضك ..وتسعى لمصالحك ..وتقدر تعبك ..وتضحى عشانك ..وعمرها ما هتضحى بيك !!
الا فى حالتين ...
الاولى
فى سببيل الله والشهادة ..
الثانية
لانك اسأت الاختيار ...!!
هناك تعليقان (2):
ياريت الاختيار سهل
ده اصعب ما يكون
وللأسف حتى لما بنختار
بيقف قصادنا عقبات كتير
بس فى الأول والأخر ربنا كاتب لنا كل حاجة
كاتب لنا الصحبة الاجبارية وكمان الصحبة الاختيارية
فعلا الاختيار صعب..
وطالما كل شىء مقدر عند ربنا ..يبقا لازم نتعلم ان صوابع الايد الخمسة مختلفه ونعرف ازاى نتعايش مع الصحة الاجبارية
إرسال تعليق